靜心聚會感想分享 - 靜心過程裏便能夠好好放鬆和靜下來，專心地關注自己，這些時刻好幸福的

喺聚會開始時嘅第一個靜心，第一個感覺就係，好啦，終於可以休息吓啦。喺靜心過程裏便能夠好好放鬆和靜下來，專心地關注自己，這些時刻好幸福的。

前一日曾經諗，自己究竟點樣幫到呢個世界呢？喺靜心中自我對話，反問返我，「咁我呢，我究竟可以點樣幫到自己呀？」

回歸返自己。暫時唔好再諗點樣幫到呢個世界。因為呢個幫世界嘅念頭，其實可能係假 - 只係頭腦逃避自己面對突破嘅一種藉口。將個意義放左喺出邊。因為如果真係覺得重要，一早已經做咗出嚟，自自然然做咗出嚟，根本唔需要刻意去諗。

喺靜心裏便，再帶出另一個思維：

關注自己，就係愛自己嘅第一步。然後，見到有兩支一粗一幼嘅鉛芯。鉛芯代表啲乜嘢呢？

下一節靜心，見到兩支鉛芯化為一個火柴人，一路跑跳咁樣向着一個溫暖的光源邁進。腳底下自然畫出了一道自己嘅足跡。

原來鉛芯係代表源心。要本着自己嘅源心走自己嘅路，自然就會走出一條屬於自己源心嘅道路。

一步一心，follow your heart，每一部都係自己真心想行嘅路。喺呢一個世界走嘅每一步，都會留下足跡，形成新嘅道路。你沒有刻意，但是過程中被其他人自然發現、看見、參考、欣賞，因看見你嘅足跡而受到鼓勵、啟發，敢於走出來發揮自己。

自然地，由生命影響生命。

唯一的刻意，是由關注自己開始。因為關注自己，就係愛，生而為人能夠啟動愛嘅第一步，無需要對象。因為，我就是我，是一體的。只是，我們通常認為「我就是如此的我」，加多了很多「如此的」東西。

無論在什麼境遇之中，都將自己活得好好。係每一個人與生俱來生命嘅本質渴望 - 每一個呼吸得來不易，每一刻都如此感恩。

假如站在高空之中，回頭一看，所有事物都有其節奏韻律，本然地運作發生着。既無屬性亦無對錯。是我 - 如何看待事物，才能發現喜悅，發現感恩？

人生不斷突破局限，持續發現、累積喜悅感恩，逐漸改變自己的質。複式效應，質變 、量變，引爆人生奇異點！

卓越發揮自己的生命源心，找回屬於自己的星星，閃耀獨特的光輝。看見的人自然感受到愛、希望和美麗。

沿途感謝黃先生帶動靜心、適時的補充和啟發；感謝各位朋友的真摯分享，在一個下午的時間裏，有機會了解不同人生的精彩角度面向，看到生命的轉化，有時只需一剎那，如此快速和具有力量💖

Jessica

2025.05