醒悟深造班分享 - 我終於理解到點解要讀醒悟卡 同埋醒悟課程既核心Spiral WakeUp4月6日讀畢需時 2 分鐘已更新：5月5日今堂又好充實其實自從上左深造班後 我終於理解到點解要讀醒悟卡 同埋醒悟課程既核心。雖然我中間發生左好多事 成日爆發情緒病搞唔掂咁。但真係好在有黃先生幫手 再配合醒悟自我意識能量轉化系統 依家可以係第一現場扭轉情緒局面， 抽離返個人出黎睇返件事， 一抽離其實就有愛既呈現， 然後就開始釋懷，扭轉局面。呢d 都係醒悟課幫到我既工具 好落地好貼地。醒悟既身心靈唔係講緊以前離地wewanwan 咁， 係要配合現今社會既trend 去幫我地應付日常處世問題。今堂係講與細胞對話， 我地期待左呢個topic 好耐， 終於今個月開始喇， 呢個topic至少要講五堂！！！！ 今日先第一堂！！！ 但已好深感受。其實由上左深造班開始，我都覺得我睇野多咗洞察力，同埋我係拖延症上身嘅人嚟嘅，就算我上晒豐盛班金錢能量班有晒方法都好啦，好老實我都係欠缺行動力嘅，但係最近我自己發生嘅事，唔好叫課題，我哋要叫佢哋做挑戰，其實呢啲挑戰係推進緊我嘅行動力，例如早兩個星期我打爛咗個洗手盆，好好彩地冇整損自己只係俾錢解決到問題咁其實佢都唔係問題。但正正因為呢件事啟發咗我，令到我引伸咗我拖咗五年未整廚房，要裝修嘅，但當中好多原因拖延咗啦，然後因為呢件事我反思如果今日係我老竇喺廚房舊磚跌落嚟整到佢咁點算？ 所以我即刻搵師傅嚟報價整嘢，然後嚟緊呢個星期三就會開工。其實呢啲嘢我早就要喺上完金錢班就要做㗎啦，但冇做到囉。然後今日喺課堂上做咗唔同嘅與細胞對話嘅體驗，每個人都好快進入到狀態，今日每人都做到。呢個方法有自癒力 修復力 身體細胞不斷調整重組。只要搵到方法 自癒力就會出左黎。然後內在既我對我好直接 比我呈現出黎既我更加mean 🤣🤣🤣呢度好好笑 冇中間。 對我好好好快就溝通到。 一步到位！！！真係好感恩接觸到醒悟同埋黃先生。佢對我真係好有耐性🩷🩷同埋想補充，由上年開始我感受到醒悟去到好成熟既階段， 如果你從未上過醒悟堂， 依家黎上真係好抵！！！！ 賺哂！！！🤣🤣因為我地每個月同黃先生夾schedule 真係要搶要爭ga, 好忙好爆好多資詢要做， 依家黃先生既level 可以處理到既資詢已唔係一，兩日既case, 係強大好多。我成日都有問 點解唔搞大班d or 搞d talk 畀多d 人認識醒悟呢？黃先生要維持質素，上一次堂做一次資詢唔容易。所以如果你地夾到時間 上堂既上堂食飯既食飯 要把握機會。Vivian Tang2025.03
