醒悟深造班 - 「在」- 此時此刻此地咁專注做一件事

14/6/2025 醒悟深造班 - 「在」

「在」係此時此刻此地咁專注做一件事，過程當中會更全面愛自己、反思自己同會面對真實嘅狀況，我們往往都係用緊過去所發生嘅事做自己嘅人生觀，咁樣會令自己經常處於後知後覺當中，進步會較慢、較長時間，我們應該將過去只作參考，從小意識。。。細微變化。。。覺醒。。。滿意。

「在」係活得自然、自在、自由，會有處之泰然嘅感覺，當「在」嘅時間越長，後知後覺就會縮短，增加「在」嘅停留時間，再去覺醒。

「在」比我嘅感覺好玄，係上堂每段靜心過程，內在都會每次更深入解釋我知，頭幾次內在協助釋放日常生活的混亂，之後嘅靜心內在利用一個故事去講解「在」，當晚我將故事串連起來再次解讀，原來咁簡單易明。

內在對我講解「在」就好似一隻鷹咁，佢有明確嘅領域，視力非常敏銳同廣闊，休息中仍對外界有警覺性，雖然視力好敏銳，但有啲嘢眼看未為真，要配合思考、策略及深度智慧。而當晚意猶未盡再問內在「在」嘅定義，內在就好簡潔咁回應「睿智」，睿智還有聰明在智慧裡，有深刻嘅見解及判斷力，能夠洞察事物嘅本質。

現在我就要由小意識開始培養「在」嘅習慣，我要有滿意嘅人生，哈。

Snow

2025.06