醒悟海外班六月分享 - 「在」嘅落地版

醒悟海外班六月分享

「在」嘅落地版。

「在」係用策略、新角度去解決問題。當煩惱出現，首先要承認自己對呢一件事或呢一個人煩，要專心、用真心面對自己，清楚咩原因會覺得煩，因為背後可能會有好多唔同嘅原因。之後就要去明智分析：可控制時我做到啲乜嘢去轉化，而不可控制就去諗最壞會發生咩事，然後再去搵解決方案。呢個過程入邊已經唔得閒處理情緒，情緒就已經放低，做到我「在」其中，我「在」行動，我「在」轉化，我「在」改善，平衡內心同外面嘅世界。

將覺知、事件、情緒拆開，把情緒放到最低，所有事情都會變得清晰，然後思考怎樣去突破自己嘅局面。利用靜心，用真心去聆聽自己，尋找自己可以得到持續喜悅嘅跑道，搵到自己嘅方向。當持續喜悅嘅心出現，愛嘅漩渦就啟動，連繫周圍嘅人事物都在愛嘅漩渦裏面。

因為我哋已經習慣咗以前嘅思考模式，所以要時常練習有意識嘅「在」。只有「在」先可以宏觀地見到真正嘅問題，清楚睇到真相，了解真實嘅自己，幫助自己提升，活出自己，改變命運。

Wilma Chiu

2025.06