逐漸療癒驚恐症，積極返，肯做野肯跑數

一直以黎都好感恩遇到黃先生. 原來我由2017 年6月開始認識醒悟，原來我都認識左黃先生6年. 可以話係緣份, 其實一切都係愛.

個時工作上既問題， 覺得好委屈，成個人都好唔開心。APPLE 就介紹我去上堂。2017年, 第一次參加醒悟時, 好多疑問。要過夜? 我唔識D人,唔熟WOR…好似好神化咁既?! 真唔真GA? 點解D人睇到咁多野既?! 點解我重係一舊飯既?!

記得黃先生第一次見到我時同我講, 呢兩日你放低自己, 唔好問問題. 嘩! 痴線GA, 我個兩日係真係好多問號。遇到唔熟悉既事情我都係理性行先. 不過, 好在黃先生打定底.STOP 左我, 其實係想我放低頭腦同自我.. 要打開個心。相比起其他同學仔, 我又真係冇乜靈性觸角, 應該係話零接觸呀!

同一日, 黃先生又話: 你揀朋友好有要求! 呢句野, 經過6年我都重好記得. 可以咁短時間講到我既特質出黎, 有料到XD 如是者, 由唔過夜即日走, 去到參加夜話後夜媽媽返屋企, 去到終於肯同大家一齊過夜CAMP. 每一次醒悟課程我都係喊哂口對住黃先生. 係我眼中好嚴重既問題, 其實都係自尋煩惱. 每次上完又好左D, 之後自己又懶唔讀卡, 跟住又有新既問題出現.

2018年轉埋工, 以為問題解決左, 個人好似開心左. 點知冇幾耐後, 我成日覺我自己會死, 成日CALL白車但又乜事都冇， 之後先知係驚恐症， 我重去左睇精神科。然後同一晚突然有個飯局可以見到黃先生. 即時睇清左件事唔駛再睇精神科.

21年7月我媽咪因病走左其實對我同老豆都好大打擊. 之後我成個人係DOWN 到一個點. 我以為係因為媽咪既離開我接受唔到. 冇希望， 冇心機做野， 失眠， 成日少少痛就覺得自己有絕症， 情緒好差咩都聽唔入耳。

如是者, 3個月, 半年, 一年冇好過, 每日行屍走肉咁.. 冇目標唔知做乜. 真係WALKING DEAD 黎GA…再加上22年開始冇得堂食， 情緒更加惡劣！但其實經過呢幾年既認知, 我明明知道死亡唔係最終結, 所有事情都有原因. 亦唔覺得最傷心係失去. (可參考: 出生前的靈魂計畫) 所以意識到好有問題.咁我又搵返卡出黎讀啦。（成日都懶有事先讀）又搵左個賽馬會既情緒輔導。

大約有9-12個session, 因應需要安排，由6月尾開始。同時間黃先生突然有個ZOOM MEETING, (每次有一個大決定就會遇岩黃先生有meeting)個次又係一開始就喊🫣 之後由6月到11月都有上情緒輔導， 係用一d 理性方法處理焦慮同抑鬱問題。都ok la. 都係反反覆覆咁， 只係叫做有人mon 住lor..

到十月尾時我覺得係時候要放手要停輔導，覺得都半年啦， 所以plan去到十一月中就完結。(但我今日睇返我係16 Nov 上最後一次輔導， 但我13 Nov 個日去亞博睇演唱會時， 我入去個程車重係喊緊， 明明我好期待去睇Anson Lo ga wo. 但喊住入去😅 然後我重要覺得ok 唔駛再繼續輔導， 依家諗返都幾搞笑）點知係停左個幾日， 我唔知係太依賴定點啦， 又突然冇哂安全感，個幾日既情緒又好大上落，打回原形咁。

而係個時咁岩黃先生返黎香港， 開返course 同埋做個人諮詢。我係16 Nov 停左輔導後， 20 Nov 就約左黃先生做個人資詢。即係話我個幾日係嚴重到我要即刻處理！！個日真係好誇張。 我應該破左我喊既紀錄🫣🫣🫣🫣（明明唔係光彩既紀錄😆）做咁耐喊咁耐， 喊到頭痛想嘔😅😅

要搵黃先生做資詢， 有爭扎過， 會覺得喂我都上左咁多次堂 點解重係咁？ 黃先生會唔會對我好失望？ 覺得我好懶唔讀卡？ blah blah blah..我成日好介意人地點睇我， 好驚影響到人地而冇尊重自己既心意。

我真係對黃先生完全信任，我係黃先生面前真係毫無保留。（講到好似傳教咁但我真係咁認為。 唔信唔好搵， 唔好抱住挑機既心態去，我會替你可悲）我都唔介意透露少少， 我以為係媽咪既離開搞成咁。但原來問題既癥結係兩個留下來在世既人，即係我同爸爸既關係。呢個係我諗都冇諗過既原因。靠自己點都唔知發現到。所以真係好感恩自己有去面對既勇氣。

直到今日， 11 Mar 2023，4個月過去， 我自己都感受到轉變。

同爸爸既關係變好左，有返交流。個人唔再消沈，積極返， 肯做野肯跑數！

(話說我做宏利， 上年可以話冇做過野， 中間幾個月有獎賞係mirror 門票我先叫做肯做下野，亦因為咁上年先meet 到最basic 既target)

依家只要我肯做 原本個半月既challenge 原來我可以兩個星期就做到。覺得有返希望！

我經理好開心係因為我投入可以帶動返成條team既氣氛。😝 覺得我返返黎。所以一切都係心態， 你想做既宇宙自然會配合你！

平時咁鬼懶既我， 好日都唔join 活動/飯局/網聚。 尋日又突然會出現， 表面上機緣巧合既野， 背後必定有原因。呢幾年見到我既同學仔, 應該都係見到我喊啦, 唔出聲啦 好迷糊, 好靜局既一面. 但其實真正既我, 係超多野講, 勁嘈, 可以好MEAN 一語中的既人黎。我相信我尋晚個面係Anita, Jessica同黃先生未見過既！好似換左個人咁！！！！

其實中間做完個人資詢後, 我都成日好想分享, 但又唔知點開口咁..今日諗返. 其實 “現在” 先係最好既時刻, 依家先READY.依家先係最完整. 我打緊既時候, 有喊有笑.好感動。咁多年黎係黃先生身上羅/學左咁多野。全部都係因為愛！

如果我尋晚冇出黎， 唔會有呢篇千字文感想， 希望可以透過我既分享，一個冇乜靈性修養，又成日追星好物質既人， 可以令你地得到啟發。再一次多謝黃先生對我既耐性同愛。

望返轉頭我d 問題真係好簡單。簡單有簡單既好， 岩返我既接受程度。所有發生既事都係得到我允許。

如果你睇到黎呢度， 真係多謝你呀❤最後送首歌畀大家啦。我聽得好開心好歡樂。

Jer 首新歌

<從零開始的新世界>

心 敞開 邀請咭我已附載

毛蟲 找來 登台 衣裳 潛入了 新世代 wooo~

天 已開 把七色鳥獸盛載 糊塗 精靈 都游 出來 圍著唱 多盼待

沿路有惹笑瘋兔握緊怕羞雪人 全部與我碰杯請一起慶祝

繽紛時辰 （快感緊隨 快衝出去）

開～ 開一個盛世 開新的眼界 一起脫胎

繼續去開～ 對與錯都不再

請 放聲 唱歌 放膽 舞擺 用力愛（ooo~o～wei)

從原始起點記載 (eya~eya~eya)（ooo~o～wei)

靈魂通通充滿愛 (eya~eya~eya~hey)

風 再起 花瓣擁抱我共你

形成 一條 輕柔 的橋

浮著雪葩氣味 來踏上去看天馬穿身過大氣

回眸向你我宣告這種美好

終點無期 (刮風打雷 也 飛出去）

開～ 開一個盛世 開新的眼界 一起脫胎

繼續去開～ 對與錯都不再

請 放聲 唱歌 放膽 舞擺 用力愛（ooo~o～wei)

從原始起點記載 (eya~eya~eya)（ooo~o～wei)

靈魂通通充滿愛 (eya~eya~eya~hey)

集結禱告樹下 為了栽種嫩芽

幽谷荒野被轉化 人和神手牽手慶祝 eya~e~ye~o

就 用愛栽種嫩芽 灰色 都市被轉化

人和神手牽手慶祝 eya~e~ye~o

Vivian Tang

2022年12月