深造班小分享 - 由亂，快，急呼吸引爆驚恐發作再轉化成愛， 轉化自己情緒狀態

今日小分享：

最近個人畀呼吸困擾住， 之前係家中自己做既內在對話時， 我問過呼吸既問題， 覺得鼻有野塞住透氣唔順。

但其實我冇傷風咳冇病 但就係覺得唔順有野塞住。內在答我 其實我呼吸冇問題 一直冇變冇病， 變既係外在，運行返就冇事，暢通無阻。

呢個本身我尋日想問黃先生 但就冇問到出黎。 但就更加好想知點解。 然後答案就係今日自己體驗出黎。

醒悟嘅呼吸係指： 一呼一吸都係愛， 吸入愛，呼出都係愛

係靜心過程中 我記住呢句說話後，感受好深 即時體會到。 由亂，快，急呼吸引爆驚恐發作再轉化成愛， 轉化自己情緒狀態。

以前觀想時成日話吸入好既能量同光， 再排出唔需要既廢物離開身體回歸大地母親。

咁頭先我有個念頭係 咁我排出唔好既野畀大地母親接住 咁佢咪好慘咯？！

然後我就即時理解 吸入愛 我再轉化所有野 呼出愛 呼出去係多餘既愛， 對地球好 可以幫其他人，去滋養其他人滋養大地母親， 成件事好有愛，周圍都充滿愛。

我以前只識係外面搵愛 係爸爸媽媽身上搵愛 今日我體會到內在既愛。

我唔係冇愛 只係我冇呢個意識， 同埋有時會扭曲成擔心。

如果我冇愛 我又點會有咁多對我好既朋友呢？ 如果我冇愛 我就係冷冰冰冷血嘅人。

但我好清楚我唔係， 只係我冇閒心去留意到。

到我有呢個意識 有呢個體會時 有愛既出現喇 我留意到愛， 我就好感恩，同時係轉化左驚恐狀況， 個人靜落黎。

我需要慢， 慢先體驗到靈，靜。 慢就會長， 長壽，要以慢打快。

(本身我已係想分享一呼一吸都係愛。

點知都打哂咁仔細出黎） 🩷

Vivian Tang

2025.05