星期日個堂 講 "在" - 講啲實際嘅貼地嘅例子Spiral WakeUp6月21日讀畢需時 2 分鐘星期日個堂 講 "在"其實呢個題目或者呢個境界係有啲深嘅，但係反而呢一堂係最少notes嘅一堂，然後係最多靜心嘅一堂。可能因為咁我嘅內在俾咗好多對話我補貼一啲我唔明白唔理解嘅地方。好多時我哋做緊好多嘢以為我哋係專心做緊事，其實並唔係知係為咗過活而要做呢件事你冇真正問過自己我點解要做呢件事而當你真正會問自己我點解要做呢件事呢？做呢件事係咪令到我快樂滿足呢？係咪令到我達到美好人生呢？當你有呢個意識去問自己嘅時候，你就係在另一個位，但當你講咗出嚟其實已經係過去🤣"在"呢個位係連接內在同埋外在嘅意識，多啲去提醒自己喺在呢個意識下，你就可以快速調整自己，從而達到早着先機減少行冤枉路，亦唔需要浪費時間浪費人生。講啲實際嘅貼地嘅例子，例如我比驚恐症困擾，其實可能驚恐症發作，只係短短10分鐘而一日有廿四小時，其實係有1440分鐘。但我個專注點就只停留係個10分鐘度 就好易受佢影響。但如果我加強在呢個意識， 將每日發生既事， 都問自己此時此刻你滿唔滿意你既狀態，我係度做緊乜野？ 當你點多左時累積一個習慣 就可以為自己做最好既選擇。咁我既focus 點 就唔會只係10 out of 1440可以提高到120 out of 1440 咁樣我就唔會只著眼係個10分鐘既panic attack 從而減少驚恐對我既影響 甚至唔再出現！我岩岩又經歷緊d 挑戰， 今日老豆唔舒服入院check.以前既我成日call 白車入院， 我入到去就安心但作為家人就成日畀我嚇親 擔心我今次角色轉換到我勁擔心。今晚老豆要留院觀察 佢頭先喊左 我問佢係驚定擔心佢又扭頭。之後我分享左 醒悟上學到既野同老豆講。我話其實係肯入院check 係一個愛自己既表現我現在陪住你一齊 都係愛你既表現。我係會有擔心或焦慮情緒， 我地可以察覺到呢d 情緒出現時 問下自己咩事 係咪有野要咁擔心但做緊既事係咪為自己好為屋企人好。當察覺既意識出黎時， 就有愛既呈現 就可以扭轉情緒。所以老豆個心情都轉化左。然後我同老豆分享最近自己遇到既問題 搵工時對自己既負面評價， 諗太多驚做工作時遇上驚恐發作， 驚自己能力不能勝任其他工作（而其實乜都未搵）呢d 係靜心過程中我既內在一一都畀左指引我。當中有d 同事既靜心可以幫佢地解決身體機能問題我就話好羨慕然後我內在話 因為你身體冇問題 你既問題全部係思想問題 所以透過對話同我溝通全部都係轉念問題。同老豆傾完後感覺佢輕鬆左希望冇事啦要記住以愛轉化一切 一切只有好和更好Vivian Tang2025.06
