醒悟自己要努力重新做返個人，再透過讀醒悟卡的幫助，脾氣和耐性更穩定，所有事情更順利順心

真係唔知宇宙安排定係自己嘅潛意識想改變太強，所有嘢都來得剛剛好，因為從7月中一單新聞觸發情緒大波動(牽引出少時不愉快的經歷)，整個人都好唔開心，情緒好低落，有時又好燥底，亦引發出情緒飲食(暴飲暴食/無晒胃口)，心理上對所有嘢都有啲抗拒，導致身體出現不同程度的敏感，例如：平日用開嘅洗頭用品，食開嘅食物都突然出現敏感反應(出紅疹)，令到成個人裏裏外外都好唔舒服，好唔自在，心知是內在作出調整，但唔知調整到幾時，有時仲出現埋無力感添。

係上星期日完成咗兩日嘅醒悟意識能量轉化課後，每次靜心過程後再繪畫影像出來，當中發現到由以前靜心好多畫面，到現在越來越少畫面，今次再繪畫出來真係加強自己嘅記憶及加深了解，到最後將所有圖像依次序排列，就會看到一個屬於自己嘅故事，終於我係故事裡再加深了解到早前找黃先生做諮詢時看到影像嘅慣性，知道自己要衝破一些由好好好好……好遠古時期帶到而家嘅課題，其實做完諮詢已經好咗好多，只係得返啲慣性唔能夠一時三刻改到，但都要努力重新做返個人，熱情融入呢個地球體系裡，要有耐性對待所有人，還有我之前背醒悟卡背極都唔入腦，上完第一堂即晚返去背，真係入到腦，雖然仲係有啲kick kick地，但都記得個順序，而家我無時無刻都諗醒悟卡同寬恕放下卡，感覺到真係有轉變，因為呢個月公司開新舖，工作非常忙碌同混亂，反而我嘅脾氣和耐性都好穩定，所有事情都非常順利，真係好順心。

另外尋晚瞓前畫金色能量球，係畫圖過程中，感受到身體嘅溫度逐漸下降(平日體溫比較高，容易燥底，好似炸彈咁一點即爆)，現在體溫平衡返連心情都非常平靜，整個人都好輕鬆，正吖！

Charing