好感恩喺人生中遇到黃先生，幫忙我更加深入地去了解，聆聽，同相信自己，令我係開悟嘅導路上超速前進

靜心減壓日

久違地參加靜心日，久違地見到黃先生同大家，覺得好緊張又興奮😆

係短短嘅一個上午，我就有一個非凡嘅體驗。

我仲好記得每次靜心見到嘅畫面。

第一次黃先生提醒我要慢落黎，放鬆。之後我開始見到我要面對同處理嘅問題：放下別人對自己嘅睇法。

由課題出現，我嘅內在一直提醒我有身邊人嘅支持，同不停鼓勵我，話俾我聽要點樣做。

每次靜心完分享後黃先生嘅說話都比到好強信心我。「你一定可以過到」「你係可以幫到自己」，佢每個笑容都令我感到好安心，令我更加相信自己係靜心期間見到嘅一切。

係黃先生帶領嘅深層次靜心下，前世嘅畫面竟然出現，我第一次有前世回溯嘅體驗！ 超興奮！ 最重要嘅係係呢次靜心嘅過程化解左前世帶來嘅課題。好感恩黃先生帶領同陪我面對呢一切🥹

因為本身自己有好多煩惱，其實我keep住一直充斥着不安嘅情緒，但最後我係掩飾唔到地帶着笑容離開，係由心而發嘅開心，寫緊感受嘅呢一刻我都仲係開心地笑緊😆

係今次嘅靜心經歷入面，我好強烈地感受到自己係可以幫到自己，更加體會到何為我是自己的生命導師。我感受到自己心態有好明顯嘅改善，我知道一切只有好同更好😌

好感恩係人生中遇到黃先生，你幫忙我更加深入地去了解，聆聽，同相信自己，令我係開悟嘅導路上超速前進。

感恩Vivian策劃今次嘅靜心感壓日，令我有一次非凡嘅體驗。

感恩係靜心日遇到嘅每一位，你地嘅分享都令我有好多嘅學習。

期待下次再有機會，我要帶埋朋友黎一齊體驗！

祝福大家，平安☺🤲🏻

Yu Lee