半日時間就完全轉化晒成個狀態!

事緣兩個星期之前我病咗，上星期六我已經好想搵黃先生食飯，但係因為傷風咳都幾嚴重，我都驚傳染到比其他同學仔，所以就唔敢出嚟，然後得知星期五機緣巧合下佢哋嘅靜心班係宏利上堂，咁我就喺早啲返去準備定房間啦，咁我本身都係諗住嗰日食飯先搵黃先生，點知黃先生見到我嘅時候就問我想唔想留低喺度一齊聽，嘩，我梗係想啦，所以我嗰日就做咗小助手。

我真係好感恩，我生命入面出現咗黃先生，佢真係好愛我哋每一個人

（打呢句嘅時候我感動到喊咗）

喺未講我自己上堂嘅過程之前我發覺上完金錢班先上呢個畫畫班嘅人係好幸福，我上年八月嘅時候都上過呢一個班嗰陣時冇咁大感覺，今次我覺得完整啲，首先寫咗成個理論出嚟，先再進入靜心環節，速度快好多。同埋黃先生都不斷吸收各位老師們嘅經驗再去改進課堂所以喺唔同時候唔同嘅經歷你再去上堂都會有唔同嘅得着。

意識嘅覺醒=生命嘅覺醒

Follow your Heart， take your Passion

一般人冇 係因為冇聆聽內心，要有足夠嘅誠意同時間去聆聽心入面講嘅嘢

內心等於宇宙心。

要做返真正嘅自己過自己真正想過嘅生活，活出自己嘅人生。

分享返我今次嘅過程，明明我上完金錢班之後一切都好順利，但最近無啦啦病咗兩星期，係病緊嘅時候我又再次質疑自己堅定唔到信念，覺得自己病緊，我又點樣每一日同自己講我係健康快樂有錢人呢？但係又好得意個喎，我又唔會諗自己依家唔夠有錢點樣去做有錢人呢？

同埋都發覺我去讀醒悟卡嘅時候會唔夠氣，但係讀寬恕放下就冇呢個問題。

黃先生答咁係證明我要勤力啲清理讀咗寬恕放下先至去讀醒由淺入難，先後次序對其他人冇分別，但係對我就有分別。

同埋有時去到某啲地方會覺得好唔舒服，我覺得頭暈，原來係因為我個人敏感咗，以前個人太遲鈍，所以黃先生話呢個係好事有進步。

今次一共畫咗五幅畫第一同第二次時我腦裏飄歌詞：放手放低所有彼此更自由。

亦講左係我吸咗一啲唔好嘅能量，所以我先病咗，然後喺呢一個過程我已經化解咗。

解決咗病嘅問題，跟住到第三至五畫，我見到天空上面有啲小鳥，腦入面亦飄出嘅歌詞：我是一隻小小小小鳥，就算飛也飛不高。

緊接着另一首歌曲：乘坐這小白船，我喜歡仰望，還願乘長風去，萬里碧空找我路上。然後再聽到紅日嘅intro.

再由小鳥進化到見到大鳥係度振翅飛翔，再見到鷹眼同我隻眼sync 左，

中間腦裏飄出陳蕾嘅相信一切係最好安排嘅歌詞：

世界很大還很大 ，可以的你可以有更好的，這一世界未來千姿百態相信一切是最好的安排

鷹眼表示睇咗目標出擊有目標有方向，目標就係健康快樂有錢人！

我想話成個過程真係不得了，好感恩亦超開心超滿足。

完晒咗之後，黃先生先話我今朝嘅狀況係好差，可能因為咁黃先生先留我喺度幫我，

所以真係好感恩真係愛

半日時間就完全轉化晒成個狀態。

然後我又笑返啦，食飯有返胃口啦，真係差好遠。

然後相隔一日， 尋晚有朋友彈左個referral 畀我。啊啊啊啊啊啊 又變返上完金錢課既狀態了。

Vivian Tang

2024.08